ក្មេងប្រុសអាយុ១១ឆ្នាំ ធាក់ក្មេងប្រុសអាយុ២ឆ្នាំ ចូលទឹកស្ទឹង លង់ស្លាប់
10-January-2019 | ដោយ ពលមនសិការ
កំពង់ឆ្នាំង៖ ក្មេងប្រុសម្នាក់ទើបតែមានអាយុ១១ឆ្នាំ បានឌុបក្មេងប្រុសម្នាក់មានអាយុ២ឆ្នាំ ទៅមាត់ស្ទឹងហើយធាក់ទម្លាកទឹក បណ្តាលឱ្យលង់ទឹកស្លាប់។ ហេតុការណ៍ខាងលើបានកើតឡើងកាលពីថ្ងៃទី៩ ខែមករា ឆ្នាំ២០១៩ វេលាម៉ោង៩ព្រឹក នៅមាត់ស្ទឹងក្តុល ចំណុចអូរដំណាក់ទ្រព្យ។
យោងតាមរបាយការណ៍របស់នគរបាលខេត្តកំពង់ឆ្នាំងបានឱ្យដឹងថាកាលពីព្រឹកថ្ងៃទី៩ ខែមករា មានព័ត៌មានបាត់ក្មេងប្រុសម្នាក់ឈ្មោះ រិន សារ៉ុង អាយុ២ឆ្នាំ រស់នៅភូមិក្តុល ឃុំក្តុលសែនជ័យ ស្រុកទឹកផុស ខេត្តកំពង់ឆ្នាំង។
តាមការស្រាវជ្រាវនៅម៉ោង៩និង៣០នាទី ប្រជាពលរដ្ឋបានឃើញឈ្មោះ ប៊ុន សុធារិទ្ធ ភេទប្រុស អាយុ១១ឆ្នាំ រស់នៅភូមិដំណាក់អំពិល ឃុំក្តុលសែនជ័យ ស្រុកទឹកផុស ជិះកង់ឌុប (ដាក់ក្នុងកន្ត្រកកង់) ឈ្មោះ រិន សារ៉ុង ជិះសំដៅមកស្ទឹងក្តុល ត្រង់ចំណុចអូរដំណាក់ទ្រព្យ។
លុះម៉ោង១២និង៣០នាទី សមត្ថកិច្ចបាននាំខ្លួនឈ្មោះប៊ុន សុធារិទ្ធ រួមនិងម្តាយមីង ឪពុក ចំពោះមុខសមត្ថកិច្ចនិង អាណាព្យាបាល ឈ្មោះ ប៊ុន សុធារិទ្ធ បានឆ្លើយសារភាពថា ម៉ោង៩ ខ្លួនជិះកង់ចេញពីសាលារៀនសំដៅទៅផ្ទះភូមិដំណាក់អំពិល ឃុំក្តុលសែនជ័យ លើផ្លូវធ្វើដំណើរគេបានឃើញឈ្មោះ រិន សារ៉ុង ដើរម្នាក់ឯងគ្មានសំលៀកបំពាក់គេបានហៅនិងចាប់លើកឈ្មោះ រិន សារ៉ុង ដាក់ក្នុងកន្ត្រក់កង់រួចជិះសំដៅមកស្ទឹងក្តុល លើកឈ្មោះរិន សារ៉ុង ចេញពីកន្ត្រក់កង់ ដាក់លើច្រាំងស្ទឹង និងធាក់ចូលក្នុងស្ទឹង ព្រោះមានកំហឹងពីមុនគ្រួសារបស់ឈ្មោះរិន សារ៉ុង ធ្លាប់វាយខ្លួន។
ក្រោយកើតហេតុសមត្ថកិច្ចបានធ្វើកំណត់ហេតុប្រគល់សាកសពជូនក្រុមគ្រួសារជនរងគ្រោះធ្វើបុណ្យតាមប្រពៃណី។ ចំណែកឯជនសង្ស័យបានឱ្យឪពុកធានាយកទៅផ្ទះ ៕
ចំនួនអ្នកទស្សនា
- ថ្ងៃនេះ7381
- ម្សិលមិញ11441
- សប្តាហ៍នេះ37211
- ខែនេះ152361
- ឆ្នាំនេះ152361
- សរុប20594817